Բրյուսելում Իվանիշվիլին պատրաստակամություն է հայտնել կարգավորել հարաբերությունները Ռուսաստանի հետ
Վերջին լուրեր
Վրաստանի վարչապետ Բիձինա Իվանիշվիլին Բելգիա կատարած իր առաջին այցի ժամանակ ելույթ է ունեցել Վրաստանի և Ռուսաստանի միջև հարաբերությունների կարգավորման մասին. տեղեկացնում է Риа Новости-ն:
«Մենք հուսով ենք, որ Ռուսաստանի կառավարությունն ադեկվատ միջոցներ կձեռնարկի, որպեսզի կանխի իրավիճակի հետագա լարումը և հանգստացնի այն: Նման իրավիճակը ռուս-վրացական հարաբերություններում անբարենպաստ է և՛ Ռուսաստանի, և՛ Վրաստանի համար: Մենք կանենք անհրաժեշտ ամեն բան՝ մեր պատմական հարաբերությունները բարելավելու և խորացնելու համար»,-ասել է Իվանիշվիլին երկուշաբթի օրը Բրյուսելում Եվրահանձնաժողովի նախագահ Ժոզե Մանուել Բարոզուի հետ հանդիպումից հետո:
Բարոզուն իր հերթին ողջունել է Վրաստանի վարչապետի որոշումը՝ նշանակել քաղաքագետ և դիվանագիտական գործիչ Զուրաբ Աբաշիձեին Մոսկվայի հետ հարաբերությունների կարգավորման հարցերով հատուկ ներկայացուցիչ:
Միաժամանակ Բարոզուն հաստատել է ԵՄ-ի վճռականությունը Վրաստանի տարածքային ամբողջականության և անկախության պահպանման հարցերում:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
