One Direction-ը կերգի Սպիտակ տանը

ԱՄՆ-ի նախագահ Բարակ Օբաման և առաջին տիկին՝ Միշել Օբաման հանրահայտ One Direction խմբին հրավիրել են Սպիտակ տուն՝ ելույթ ունենալու համար, հայտնում էcosmo.ru-ն::

Վերընտրված նախագահը ցանկանում է կազմակերպել համերգը՝ որպես շնորհակալություն իր դստրերին նախագահական քարոզարշավում իրեն աջակցելու համար: Աղջիկները համարվում են հանրահայտ պատանեկան կուռքերի երկրպագուները:

Միշել Օբաման արդեն մեկ անգամ հրավիրել էր One Direction-ին ելույթ ունենալու Սպիտակ տանը, սակայն երաժիշտների հագեցած գրաֆիկում ազատ ժամ չեր գտնվել ելույթի համար: Դեռ հայտնի չէ կընդո՞ւնեն երաժիշտները հրավերը այս անգամ: Այսպես թե այնպես համերգի օրը մնում է խմբի անդամների որոշման վրա: