Իսրայելի վրա Գազայի հատվածից արձակվել է 11 հրթիռ. ԶԼՄ-ներ

Վերջին լուրեր 12 Նոյեմբեր, 2012 17:43

Իսրայելի ուղղությամբ Գազայի հատվածից պաղեստինյան գրոհայինների կողմից 11 հրթիռ է արձակվել, արկերից մեկը պայթել է Նեթիվոտ քաղաքի բնակելի տան շրջակայքում: Տուժածներ չկան. երկուշաբթի օրը հաղորդում են տեղական ԶԼՄ-ները: Ընդ որում, իսրայելական զինվորականների տվյալներով՝ hրթիռներից երկուսը հնարավոր է եղել գրավել:

Մի շարք պաղեստինյան զինվորական խմբավորումներ, որոնց թվում է Պաղեստինի ազատագրության դեմոկրատական ճակատը, իրենց վրա են վերցրել իսրայելական տարածքների ուղղությամբ կատարած հրթիռային հարձակումները. հաղորդում է Интерфакс-ը:

Իսրայելի ռազմաօդային ուժերը երկուշաբթի գիշերը մի շարք հարվածներ են հասցրել Գազայի հատվածի ուղղությամբ: Հարվածները հասցվել են այն տարածքներին, որտեղից Իսրայելի ուղղությամբ հրթիռներ էին արձակվել, այն է՝ Գազայի հատվածին արգելված մթերքներ մատակարարող թունելը և զենքով լեցուն գաղտնարանը:

Վերջին օրերին հակամարտող կողմերի միջև սա միակ կրակահերթը չէր: Շաբաթ օրը Գազայի հատվածից կատարած հրթիռային հարձակումների արդյունքում վիրավորվել էր 4 իսրայելցի զինվորական: Դրանից անմիջապես հետո Իսրայելի բանակը պատասխան կրակ է բաց թողել, որի արդյունքում զոհվել էր 6 պաղեստինցի:

Կիրակի օրը Թել Ավիվը զգուշացրել էր Գազայի հատվածում իշխող Համաս շարժման առաջնորդներին, որ նրանք թանկ են վճարելու Իսրայելի ուղղությամբ հրթիռային հարձակումներ կատարելու համար: