Ադրբեջանում երկու երկրաշարժ է տեղի ունեցել

Ադրբեջանում այսօր երկու երկրաշարժ է տեղի ունեցել: Այդ մասին են նշել ադրբեջանական լրատվական կայք էջերը՝ հղում տալով Ադրբեջանի Գիտությունների ազգային ակադեմիայի Սեյսմոլոգիական ծառայության հանրապետական կենտրոնին:

Առաջին երկրաշարժն արձանագրվել է այսօր՝ տեղական ժամանակով ժամը 10:07-ին, Իսմայիլլիի շրջանից 20 կմ դեպի հարավ-արևելք:
Իսկ երկրորդ երկրաշարժը տեղի է ունեցել ժամը 11:41-ին՝ Մինգեչաուրից 27 կմ դեպի հյուսիս –արևմուտք: Երկրաշարժի ուժգնությունը էպիկենտրոնում կազմել է 3 բալ, մոտակա բնակավայրերում` 2 բալ:

Զոհեր և ավերածություններ չկան: