The Washington Examiner. ԿՀՎ նախկին ղեկավարի փոխարեն ԱՄՆ սենատորները հարցեր են ուղղելու նախ ներկայիս ղեկավարին

Օրենսդիրները երկու կողմից էլ (նկատի ունեն երկու կուսակցությունները) հարցեր ունեն ԿՀՎ նախկին ղեկավար Դեվիդ Պետրեուսին՝ սեպտեմբերի 11-ին Բենղազիում ամերիկյան հյուպատոսության վրա տեղի ունեցած հարձակման, վերջերս բացահայտված իր արտամուսնական կապի և այլ հարցերի շուրջ, բայց նրանք ստիպված են մի փոքր սպասել, գրում է The Washington Examiner-ը:

ԿՀՎ գործող ղեկավար Մայքլ Մորելը հրաժարական տված Դեվիդ Պետրեուսի փոխարեն վկայություն է տալու հինգշաբթի օրը՝ Սենատի և Ներկայացուցիչների պալատի հետախուզական հանձնաժողովների դռնփակ լսումների ժամանակ:

Պետրեուսի կապի առնչությամբ՝ հետախուզական հանձնաժողովի ղեկավարները հարցաքննելու են Մորելին և ՀԴԲ (FBI) ղեկավարի տեղակալ Շոն Ջոյսին չորեքշաբթի օրը կայանալիք հանդիպումների ժամանակ։ Ի դեպ՝ դռնփակ լսումներից մեկ օր առաջ, երբ նախատեսված էր հրավիրել Պետրեուսին:

Կոնգրեսականները մատնանշել են, որ նրանք դեռ հնարավոր է կանչեն պրն. Պետրեուսին վկայություն տալու: Նրանք նշել են նաև, որ ցանկանում են իմանալ արդյոք ազգային անվատնգությունը վարկաբեկվե՞լ է, երբ ՀԴԲ-ն բացահայտել է պրն. Պետրեուսի կապը վերջինիս կենսագրականի՝ Պաուլա Բրոուդվելի հետ ԿՀՎ-ի նախկին ղեկավարին մոտ կանգնած կնոջը սպառնալից էլեկտրոնային հաղորդագրությունների գործը հետաքննելիս և ինչու հետագայում ՀԴԲ-ն չի տեղեկացրել Կոնգրեսին այդ մասին:

ԱՄՆ ավագ զինվորական պաշտոնյան, ով հայտնաբերել էր երկրորդ կնոջը՝ Ջիլ Կելիին՝ Պետդեպարտամենտի աշխատակցուհուն, անանուն մնալու պայմանով հայտնել է, որ տիկ. Կելին ստացել է սպառնալից հաղորդագրություններ տիկ. Բրոուդվելից, ինչն էլ դրդել է ՀԴԲ-ին ուսումնսիրել վերջինիս էլեկտրոնային փոստի հաշիվը և վերջին հաշվով բացահայտել պրն. Պետրեուսի և Բրոուդվելի կապը: