Նոր Նորքի թաղապետարանի պատուհաններին կրակոցներ արձակողը հայտնի փաստաբանի որդի է. ոստիկանները հայտնաբերել են նրան

Օրեր առաջ Նոր Նորքի թաղապետարանի պատուհաններին կրակոցներ արձակողը հայտնի փաստաբանի որդի է, հաղորդում է Shamshyan.com-ը:

Նոր Նորքի թաղապետարանի պատուհաններին կրակոցներ արձակողը հայտնի փաստաբանի որդի է

Հիշեցնենք, որ փետրվարի 20-ին, անհայտ անձը կրակոցներ էր արձակել Նոր Նորքի թաղապետարանի ուղղությամբ՝ վնասելով պատուհանները։

Իրավապահները հայտնաբերել են կասկածյալին, ում տեղափոխել են Ոստիկանության Նոր Նորքի բաժին։

Կայքի տեղեկություններով՝ ոստիկանություն տեղափոխվածը ՀՀ փաստաբանների պալատի փաստաբանի տղա է։

Պարզվել է նաև, որ նա ոչ միայն կրակոցներ է արձակել թաղապետարանի պատուհանների ուղղությամբ, այլ նաև թաղապետարանի հերևանությամբ գտնվող երաժշտական դպրոցի պատուհանների ուղղությամբ։

Ավելի վաղ  հայտնել էինք, որ փետրվարի 20-ի առավոտյան ոստիկանության Նոր Նորքի բաժնում օպերատիվ տեղեկություններ էին ստացվել, որ Նոր Նորք վարչական շրջանի ղեկավարի աշխատակազմի վարչական շենքի պատուհանների ուղղությամբ կրակոցներ են արձակել:

Տեղում ոստիկաններն ու պարեկները պարզել էին, որ թաղապետարանի շենքի 2-րդ հարկի եվրոպատուհանների վրա կա կրակոցի մոտ 7 հետք:

Ոստիկանները թաղապետարանի բակում հայտնաբերել էին նաև Nissan մակնիշի ավտոմեքենա, որի հետևի ապակու վրա նույնպես առկա էին կրակոցի հետք: