Հայաստանը կարող է դառնալ Արևմուտքի նոր զnհը, ինչպես Ուկրաինան. Զախարովա

«Հայաստանը կարող է դառնալ Արևմուտքի նոր զnհը, ինչպես Ուկրաինան»։ Այս մասին  ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան։

«Հայաստանն անցել է պատմական դժվարին ճանապարհ, որը ներառում է ցեղասպանություններ,  ինքնիշխանության պաշտպանում, պայքար իր մշակույթի համար, տարածքային բարդ վեճեր, խնդիրներ, հակամարտություններ։ Այս երկիրն ու այս ժողովուրդն արժանի են խաղաղ ապրելու և ոչ մի դեպքում չդառնալու սակարկության առարկա արևմտյան անբարեխիղճ քաղաքական գործիչների ձեռքում: Ուստի սրտանց մաղթում ենք խաղաղություն, կայունություն և բարգավաճում այս պետությանը` և՛ այս երկրի ու ժողովրդի հանդեպ սիրո, և՛ պրագմատիզմի տեսակետից։ Այս բարեկեցությունից է կախված ողջ տարածաշրջանի բարեկեցությունը: Բայց մենք, ցավոք, տեսնում ենք, թե ինչպես է Արևմուտքը, հագենալով Ուկրաինայի հետ խաղից, առանց ձեռք ու ոտքի՝ կոտրված, ծեծված տիկնիկի պես նրան մի անկյուն նետել և սկսել է նոր զոհ փնտրել։ Հուսանք՝ նոր զոհը չի լինի Հայաստանը, որին կգայթակղեն, կխաբեն։

Հայաստանն իսկապես պատմական փորձ ունի և գիտի՝ ով է միշտ օգնության հասել»,-ասել է Զախարովան։