Տղամարդն իր շան հետ զբոսնելիս դինոզավրի կմախք է հայտնաբերել

Ֆրանսիայի բնակիչն իր շան հետ զբոսնելիս հայտնաբերել է դինոզավրի կմախք։ Այս մասին հայտնում է The Washington Post-ը։

25-ամյա Դամիան Բոսքետոն հայտնագործությունն արել է 2022 թվականին՝ իր տնից մի քանի կիլոմետր հեռավորության վրա։ Նա Մաֆին անունով շան հետ զբոսնում էր անտառում, երբ հանկարծ հանդիպեց մի մեծ ոսկորի։ Պարզվել է, որ դա տիտանոզավրի ոսկոր է։

Հաջորդ երկու տարիների ընթացքում հնագետներն ու պալեոնտոլոգները Քրուզի կոմունայում գաղտնի պեղումներ են իրականացրել։ Գիտական ​​հետազոտությունների ընթացքում պարզվել է, որ Բոսքետոն գտել է դինոզավրի գրեթե ամբողջական կմախք, որի ոսկորների մեծ մասը կապված են եղել միմյանց հետ։ «Սա հազվագյուտ և բացառիկ հայտնագործություն է Ֆրանսիայում և Եվրոպայում»,- ասել է տղամարդը։ Բոսքետոն հավելել է, որ կմախքից բացակայում է գանգը և ազդրը, որոնք թիմը հույս ունի գտնել ապագա պեղումների ժամանակ։

Նրա խոսքով՝ իր հայտնաբերած կմախքի երկարությունը մոտ ինը մետր է։ Ենթադրվում է, որ դինոզավրն ապրել է Երկրի վրա մոտավորապես 70 միլիոն տարի առաջ: Տղամարդը նշել է, որ հնագետներն ու պալեոնտոլոգները շարունակում են ուսումնասիրել կմախքը՝ հույս ունենալով որոշել դրա ճշգրիտ տարիքը: Ավարտից հետո կմախքը կցուցադրվի տեղի թանգարանում, որտեղ Բոսքետոն վերջին մի քանի տարիների ընթացքում կամավոր է աշխատում: