ՌԴ Դաշնային խորհրդում դատապարտել են երկրից ռուս զինվորականներին դուրս բերելու Հայաստանի որոշումը
Արտաքին Քաղաքական
Հայաստանի տարածքում գտնվող ռուս զինվորականներն ապահովում են տարածաշրջանում անվտանգությունը, նրանց դուրսբերումը հղի է լարվածության աճով, Երևանը նույնիսկ չպետք է մտածի երկրից ռուսական զորքերի դուրսբերման մասին։ Telegram-ի իր ալիքում գրել է ՌԴ Դաշնային խորհրդի պաշտպանության կոմիտեի նախագահի առաջին տեղակալ Վիկտոր Բոնդարևը։ Այս մասին հաղորդում է «ՌԻԱ Նովոստին»։
«Հայաստանի իշխանությունները մտադիր են իրենց ուժերով ամբողջությամբ վերահսկել «Զվարթնոց» օդանավակայանի սահմանային անցակետը, այդպես են նրանք հայտարարել։ Դե ինչ, դա նրանց որոշումն է, մենք պարտավոր ենք այն հարգել, մանավանդ, որ այդ որոշումը լավ մտածված է»,- նշել է Բոնդարևը։
Բոնդարևի խոսքով՝ սա «առաջին խոշոր ոչ բարեկամական քայլն է»։ «Սա իրականում Հայաստանի դանդաղ ու հաստատուն անկումն է դեպի անբարյացակամություն, շեղում ՀԱՊԿ-ի հիմքերից, և դրա պատճառը արևմտյան էմիսարների ազդեցությունն է, որոնք Փաշինյանին եվրոպական պայծառ ապագա են խոստանում, ինչպես նաև պաշտպանություն Ադրբեջանի տարածքային պահանջներից»,- ընդգծել է օրենսդիրը։
Սենատորի խոսքով՝ «դա վտանգավոր ուղի է, որը Անդրկովկասը կվերածի լարվածության և մշտական հակամարտությունների օջախի, ինչը ռուսական կողմը բոլորովին էլ չի ցանկանում»։
«Հայաստանի տարածքում գտնվող մեր զորքերը ապահովում են տարածաշրջանում անվտանգությունը, ուստի «նրանց դուրսբերումը հղի է լարվածության սրմամբ»», - նախազգուշացրել է Բոնդարևը։
Նա նշել է, որ խորհուրդ չի տա «Հայաստանի իշխանություններն անգամ մտածել Հայաստանից ռուսական զորքերի դուրսբերման մասին»։
ՈՒՂԻՂ ԵԹԵՐ
Ամենադիտված 
Ծնողները մահացել են, 3 երեխաները հիվանդանոցում են. նոր մանրամասներ ողբերգական վթարից
