Ադրբեջանը Հայաստանից պահանջել է «անհապաղ» իրեն հանձնել 4 գյուղ

Ադրբեջանից մանրամասներ են հայտնել Հայաստանի և Ադրբեջանի պետական սահմանի սահմանազատման հանձնաժողովների հանդիպումների մասին։

Ադրբեջանի փոխվարչապետ Շահին Մուստաֆաևի գրասենյակից հայտարարել են, թե Հայաստանն իբր իր տարածքում «օկուպացրել է ադրբեջանական 4 գյուղ», և որ «դրանց վերադարձը Ադրբեջանին անվիճելի է»։ Նշել են, թե ՀՀ Տավուշի մարզի մյուս 4 գյուղերի «վերադարձի» հարցը պետք է լուծվի դելիմիտացիայի գործընթացի շրջանակում։

Հիշեցնենք՝ սահմանազատման հարցերով հանձնաժողովները մինչև օրս անցկացրել են 7 հանդիպում: