Ջոն Սինան «Օսկար»-ի բեմ է դուրս եկել ամբողջովին մերկ (լուսանկարներ)

«Օսկար»-ի 96-րդ արարողությունն առանց սկանդալային չարաճճիությունների ու ամոթալի իրավիճակների չի անցել։ Այսպես, հայտնի ամերիկացի ըմբշամարտիկ և դերասան Ջոն Սինան բեմ է դուրս եկել ամբողջովին մերկ։ Նա ինտիմ հատվածները ծածկել է հսկայական ծրարով, որի վրա գրված էր «Լավագույն կոստյում» անվանակարգի հաղթողի անունը, քանի որ հենց ինքը՝ Սինան պետք է հայտարարեր այս անվանակարգում հաղթողին։

Ինչպես պարզվել է, մերկ Սինայի հայտնվելը պլանավորված հումորային համար էր։ Այսպիսով, կազմակերպիչները որոշել են հիշել 1974 թվականի «մերկ» սկանդալը։

1974 թվականին, երբ պրոդյուսեր Մայքլ Ֆիլիպսը պատրաստվում էր ներկայացնել «Լավագույն ֆիլմ» անվանակարգը, իսկ դերասանուհի Էլիզաբեթ Թեյլորը պատրաստվում էր հայտարարել հաղթողին, նկարիչ, լուսանկարիչ և ԼԳԲՏ իրավունքների պաշտպան Ռոբերտ Օփելը հանկարծ բեմ է բարձրացել:

Նա խաղաղության նշան է ցույց տվել, իսկ հետո անհետացել՝ թողնելով շփոթության ալիք: Ավելի ուշ հնչել են մի քանի վարկածներ, թե ինչու էր Oփելը մերկ բեմ բարձրացել։ Նրանցից մեկի համաձայն՝ լուսանկարիչը բողոքել է նուդիստական ​​լողափերի արգելքի դեմ։ Մյուս կողմից նա ուզում էր մարդկանց ցույց տալ, որ չպետք է ամաչել սեփական մարմնից։