Չինուհին 2 տարի ականջակալներով է քնել ու կորցրել լսողությունը
Այլ
Չինաստանում կինը կորցրել է լսողությունը երկու տարի ականջակալներով քնելուց հետո, գրում է Oddity Central-ը։ Չինուհու խոսքով՝ ինքն այլ կերպ չի կարողացել քնել։
Վան ազգանունով կինը նկատել է, որ լսողության հետ կապված խնդիրներ ունի, ուստի գնացել է հիվանդանոց՝ ականջները ստուգելու։ Մանրակրկիտ հետազոտության արդյունքում պարզվել է, որ պացիենտը ձախ ականջում լսողության անդառնալի նյարդաբանական վնասվածք ունի։
Բժիշկը կնոջը հարցրել է, թե արդյոք նա գլխի վնասվածք է ստացել, և արդյոք նրա ականջները երկար ժամանակ ենթարկվել են բարձր ձայների։ Վանը պատասխանել է, որ երկու տարի շարունակ ամեն գիշեր ականջակալներով է քնում:
«Երբ սովորում էի քոլեջում, սիրում էի քնել երաժշտության ներքո: Այսպես շարունակվեց երկու տարի, արդեն սովորություն է դարձել»,- ասել է չինուհին։
Բժիշկները հայտնել են, որ այժմ նա աջ ականջին լսողական սարք է օգտագործելու, իսկ ձախ ականջով ընդհանրապես չի կարողանալու լսել։
ՈՒՂԻՂ ԵԹԵՐ
Ամենադիտված 
Ողբերգական դեպք՝ Երևանում
