Փաշինյանը հրապարակել է նամակագրություն` «Արշակ Կարապետյանի ստի բացահայտումը» գրառմամբ (տեսանյութ)

Վարչապետ Նիկոլ Փաշինյանի անվամբ Tiktok-յան էջում հատված է հրապարակվել ՀՀ պաշտպանության նախկին նախարար Արշակ Կարապետյանի հետ 2021թ․ նոյեմբերի 14-ի առավոտյան ունեցած նամակագրությունից, որին կից գրված է՝ «Արշակ Կարապետյանի ստի բացահայտումը»։

Տեսանյութում միացվում է 2021թ․ նոյեմբերի 14-ին՝ առավոտյան ժամը 9։38-ին Կարապետյանից ստացված ձայնային հաղորդագրությունը, որում ասվում է․ «Ողջություն եմ ցանկանում, պարոն վարչապետ։ Մեզ մոտ ամեն ինչ նորմալ ա»։

Ի պատասխան՝ Փաշինյանը, ըստ հրապարակված տեսանյութի, ժամեր անց՝ 16։12-ին, գրում է Կարապետյանին՝ «Ո՞ւր եք», 16։39-ին՝ հավելում՝ «Անպատասխանատու բան ստացվեց»։ Ժամը 18։26-ին Փաշինյանը գրում է Կարապետյանին․ «Լուրջ խոսակցություն պիտի ունենանք»։ Ավելի ուշ՝ 18։58-ին, Փաշինյանը հավելում է․ «Պիտի բացատրություն տաք հանրային՝ ինչ է տեղի ունեցել»։