Կարևորում ենք կանանց ներգրավվածությունը հակամարտությունների կանխարգելման մակարդակներում․ ԱՄՆ դեսպան

Կանանց միջազգային օրվա կապակցությամբ ԱՄՆ դեսպան Քրիստինա Քվինը կլոր-սեղան քննարկման էր հրավիրել Հարավային Կովկասի տարածաշրջանում խաղաղարարական նախաձեռնություններ իրականացնող առաջատար գործիչներին։

Քննարկման ընթացքում դեսպանը ծանոթացավ նրանց կարևոր աշխատանքին՝ միտված խաղաղության երկխոսությանը, հակամարտությունների կանխարգելման ուսուցումներին, կրթական նախաձեռնություններին և միջսահմանային լրագրողական ծրագրերին։

Դեսպան Քվինն ընդգծեց, որ Միացյալ Նահանգներն աջակցում է քաղաքացիական հասարակության խաղաղարարական ջանքերին և կարևորում է կանանց բովանդակալի ներգրավվածությունը հակամարտությունների կանխարգելման բոլոր մակարդակներում։