Երեխաների ճգնաժամային և ցերեկային խնամք տրամադրող հաստատությունների մասնագետների համար իրականացվում են ծնողավարման դասընթացներ

Աշխատանքի և սոցիալական հարցերի նախաձեռնությամբ՝ Երևանում և մարզերում երեխաների ճգնաժամային և ցերեկային խնամք տրամադրող հաստատությունների մասնագետների համար իրականացվում են ծնողավարման դասընթացներ։

Վերապատրաստումների նպատակն է երեխաների իրավունքների պաշտպանության ոլորտում աշխատող անձանց մասնագիտական որակների և հմտությունների կատարելագործումը, նոր գիտելիքի և կարողությունների ձեռքբերումը։

Դասընթացների շրջանակում մասնակիցներն ուսումնասիրել են ծնողավարման հմտությունների զարգացման, երեխաների իրավունքների պաշտպանության օրենսդրական կարգավորումները, երեխաների վարքային, հուզական և տարիքային զարգացման առանձնահատկությունները, վարքային դժվարությունների պատճառներն ու արձագանքման եղանակները։

Անդրադարձել են նաև հոգեկան առողջության խնդիրներ ունեցող և կյանքի դժվարին իրավիճակում գտնվող երեխաների ընտանիքի անդամների հետ կապ հաստատելու և առողջ երկխոսություն կառուցելու, ինչպես նաև կոնֆլիկտների կառավարման և ինքնախնամքի իրականացման հիմնական յուրահատկություններին։

Վերապատրաստման դասընթացներն իրականացվում են ՄԱԿ-ի մանկական հիմնադրամի համագործակցությամբ։