Զախարովան անդրադարձել է ՀԱՊԿ-ի վերաբերյալ ՀՀ իշխանությունների հայտարարություններին

Մոսկվային անհանգստացնում է հակաարդյունավետ, վերջնագրային, երբեմն էլ վիրավորական հռետորաբանությունը, որը գերակշռում է Հայաստանի ղեկավարության՝ ՀԱՊԿ-ի թեմաներով հայտարարություններում։ Այս մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«ՀԱՊԿ-ն երկրներ, պետություններ և մարդիկ են, որոնք տասնամյակների ընթացքում ստեղծել են ոչ միայն այս կազմակերպությունը, այլ հենց այն անվտանգությունը, որն ապահովել է խաղաղություն և կայունություն մեր երկրների հսկայական տարածքում», - ասել է Զախարովան։

Նա նշել է, որ Հայաստանի առջեւ ծառացած շատ ռիսկեր կարող են մեղմացվել, եթե այս երկրի ղեկավարությունը համաձայնի ՀԱՊԿ դիտորդական առաքելություն տեղակայել հանրապետության տարածքում։