Թբիլիսիի բնակելի շենքերից մեկում պայթյուն է որոտացել. 93 ընտանիք է տարհանվել (լուսանկարներ)

Մարտի 14-ի վաղ առավոտյան Թբիլիսիի բնակելի շենքերից մեկում պայթյուն է որոտացել, որի հետևանքով` շենքի պատը փլուզվել է։ Այս մասին հայտնում է Sputnik Georgia-ն։

Պարբերականի տվյալներով՝ Դիդուբե թաղամասի Սամտրեդի փողոցի թիվ 2 հասցեում գտնվող բնակելի շենքի առաջին հարկում ուժգին պայթյուն է տեղի ունեցել։ Շենքից տարհանվել է 93 ընտանիք։ Վրաստանի մայրաքաղաքի քաղաքապետարանը նշել է, որ միջադեպի հետևանքով՝ ոչ ոք չի տուժել։

Դիդուբի շրջանի վարչակազմը վնասված շենքի բնակիչներին հյուրանոցային կացարան է տրամադրել։