Իմ տեղեկությամբ` միջազգային հանրության կողմից խոստացված գումարը ամբողջությամբ չի հավաքվել․ Արարատ Միրզոյան
Քաղաքական
«Տեղահանությունից հետո մեր ջանքերը ուղղվեցին առավելապես Լեռնային Ղարաբաղից բռնի տեղահանվածների, փախստականների կարիքները հոգալու համար միջազգային կոնսոլիդացիայի ավելացմանը։ Եղել են նամակներ, զանգեր, աշխատանք, որի արդյունքում բոլոր վերաբերելի, համապատասխան մարմինները՝ ՄԱԿ-ից, ՄԱԿ-ից դուրս՝ օրինակ Կարմիր խաչը, ՄԱԿ-ի համապատասխան գործակալությունները մոբիլիզացրել են ջանքերը»,- այս մասին այսօր հայտարարել է ՀՀ արտաքին գործերի նախարար Արարատ Միրզոյանը, ով մասնակցում էր Ազգային ժողովի արտաքին հարաբերությունների մշտական հանձնաժողովի հերթական նիստին։ Խոսքը շարունակելով՝ նա ավելացրել է․
«Միջազգային հանրությունը, ըստ էության, էական մասնակցություն է ունեցել բռնի տեղահանվածներին առաջին օգնության տրամադրման տեսքով, ինչպես նաև ֆինանսական աջակցության տեսքով։ Իմ տեղեկությամբ այս պահի դրությամբ այն ժամանակ խոստացված գումարը ամբողջությամբ չի հավաքվել, բայց այս մասին մանրամասներին փոխվարչապետի գրասենյակն է տիրպատում, որովհետև այդ աշխատանքը կորդինացվել է իրենց կողմից»,- նշեց ԱԳ նախարարը։
ՈՒՂԻՂ ԵԹԵՐ
Ամենադիտված 
«Շանգրիլայի» լիցենզիան կչեղարկվի. Գագիկ Ծառուկյանին ունեզրկման գործընթաց է սկսել
