Ախր ափսոս է պատմությունը, ափսոս է անցյալը․ Գեղամ Մանուկյանը՝ Արարատ Միրզոյանին

Այսօր Ազգային ժողովում ընթանում էր արտաքին հարաբերությունների մշտական հանձնաժողովի հերթական նիստը, որի ընթացքում ընդդիմադիր «Հայաստան» խմբակցության պատգամավոր Գեղամ Մանուկյանը մեկնաբանեց ԱԳ նախարար Արարատ Միրզոյանի հայտարարությունը, ըստ որի՝ «Հայաստանի բոլոր իշխանությունները միշտ բանակցել են Լեռնային Ղարաբաղից որոշակի տարածքներ զիջելու վերաբերյալ»․

«Այս ամբողջ արտաքին քաղաքականությունը ձևակերպեմ երկու բառով՝ սողացող նահանջ ու զիջում։ Նախկինում հայկական կողմի՝ և՛ իշխանության, և՛ ընդդիմության դիրքորոշումը եղել է այս հարցում չզիջելը։ Իսկ այս իշխանությունը ամեն օր զիջել ու զիջել է։

Հազար ժամ կարող եմ խոսել, միայն մի բան ասեմ՝ 2018-ից մինչև հիմա կա մի էական տարբերություն․ Նոյեմբերյանի հատվածում որևէ սանտիմետրի համար Ադրբեջանը քիթը անգամ վերև չէր հանի,  սպիտակ դրոշ էին այնտեղ պարզում, իսկ այսօր ասում են՝ չորս գյուղերը կտաք՝ նոր կշարունակենք բանակցությունները։  Ախր ափսոս է պատմությունը, ափսոս է անցյալը»,- նախարարի խոսքերին նման պատասխան տվեց Մանուկյանը։