Տղամարդու ուղեղում երիզորդ է հայտնաբերվել

ԱՄՆ Ֆլորիդայի 52-ամյա բնակչի ուղեղում երիզորդ է հայտնաբերվել։ Այս մասին տեղեկանում ենք American Journal of Case Reports պարբերականից։

 Տղամարդը ամիսներ շարունակ ուժեղ գլխացավեր է ունեցել։ Սկզբում բժիշկները կասկածում են, որ տղամարդը միգրեն ունի, բայց համակարգչային տոմոգրաֆիան ցույց է տվել, որ տղամարդու ուղեղում մակաբույծներ են «բնակվում»։ «Խոզի երիզորդի» թրթուրները նրա ուղեղում գոյացություն են առաջացրել։

Այս մակաբույծների բժշկական անվանումը «նեյրոցիստիցերկոզ» է։  Այս հիվանդության ամենատարածված պատճառը թերի տապակած և եփված խոզի մսի չափից ավելի օգտագործումն է։

Այս դեպքում որպես պատճառը՝ նշվել է նախաճաշին ամեն օր կիսատապակված խոզի մսի օգտագործումը։

«Նեյրոցիստիցերկոզը» ամեն տարի հանգեցնում է մոտ 1 000 ամերիկացիների հոսպիտալացման։

Գերմանիայում, մսի պարտադիր ստուգման շնորհիվ, նման դեպքեր գրեթե չեն գրանցվում։