Մոդել Կարա Դելևինի առանձնատունն այրվել է (լուսանկարներ)

Մարտի 16-ին հրդեհ է բռնկվել սուպերմոդել Կարա Դելևինի առանձնատանը։ Հաղորդում է Page Six-ը։

Լոս Անջելեսում գտնվող 7 միլիոն դոլար արժողությամբ առանձնատունն այրվել է։ Ըստ հրշեջների՝ հրդեհը բռնկվել է տան հետնաբակում կեսգիշերին, որից հետո կրակը պատել է սենյակներից մեկը և տարածվել ձեղնահարկ։ Ամբողջությամբ փլուզվել է տան տանիքը։ Տանը բնակվողներից մեկը հոսպիտալացվել է։ 618 քմ տարածքում բռնկված հրդեհը մարվել է մոտ երկու ժամվա ընթացքում։ Այդ ժամանակ մոդել Կարա Դելևինը գտնվում էր Լոնդոնում։ Հրշեջներին հաջողվել է հրդեհից փրկել մոդելի ընտանի կենդանիներից երկուսին` կատուներին։

«Իմ սիրտը կոտրված է այսօր։ Չեմ կարող հավատալ սրան: Կյանքը կարող է փոխվել մի ակնթարթում։ Գնահատե՛ք այն, ինչ ունեք»,- գրել է մոդելը սոցցանցերում։