Գերմանացիները «ռոբոտ-թոռներ» են ստեղծել ծերանոցների համար

Մյունխենի Navel Robotics ստարտափը հայտարարել է ծերանոցներում օգտագործման համար նախատեսված ռոբոտների արտադրության մեկնարկի մասին։ Այսպես կոչված «ռոբոտ-թոռները» նախատեսված են տարեց մարդկանց հետ շփվելու համար և կարող են վերարտադրել հուզական ռեակցիաներ, հայտնում է Bild-ը։

Ընկերության հիմնադիր Կլոդ Տուսենն ընդգծել է, որ ռոբոտները կարողանում են ճանաչել և արձագանքել մարդկային հույզերին, ինչը նրանց դարձնում է իդեալական ուղեկիցներ տարեցների համար։ Ներկայումս ռոբոտները փորձարկվում են մի քանի ծերանոցներում, որտեղ նրանք հիշեցնում են բնակիչներին այն ժամանակների մասին, երբ իրենց երեխաները փոքր էին:

Ռոբոտները հագեցած են արհեստական ​​ինտելեկտով, որը թույլ է տալիս անեկդոտներ պատմել և զրույց վարել տարեց մարդկանց հետ՝ օգնելով ստեղծել ընկերական մթնոլորտ։ Ծերանոցներից մեկի տնօրեն Վանեսա Մունզենմայերը նշել է, որ բնակիչները մեծ հետաքրքրություն են ցուցաբերում նոր ռոբոտների նկատմամբ, որոնք արագորեն պոպուլյար են դառնում տարեցների շրջանում։

Փորձարկումների ավարտից հետո Navel Robotics-ը նախատեսում է սկսել ռոբոտների զանգվածային արտադրություն: Սպասվում է, որ դրանք կվաճառվեն 48 հազար եվրոյով՝ երկու ռոբոտների հավաքածուի համար։