Կրթաթոշակ՝ Սլովակիայի Հանրապետության համալսարաններում սովորելու համար

2024-2025 ուսումնական տարվա համար Սլովակիան Հայաստանին տրամադրել է մեկ համալսարանական կրթաթոշակ (բակալավրի և մագիստրատուրայի):

Կրթաթոշակի տրամադրման պայմանները, ինչպես նաև պահանջվող փաստաթղթերը հասանելի են www.vladnestipendia.sk կայքում:

Հայ ուսանողները կրթաթոշակը ստանալու համար, 2024 թ. մարտի 25-ից մինչև մայիսի 30-ը էլեկտրոնային եղանակով կարող են դիմել www.vladnestipendia.sk կայքով, որտեղ առկա է նաև ձեռնարկ հավելյալ անհրաժեշտ տեղեկություններով:

Յուրաքանչյուր դիմորդ կարող է օգտվել տեխնիկական աջակցությունից, որը հասանելի է [email protected] էլեկտրոնային հասցեով կամ +421 907 551 404 հեռախոսահամարով:

Պետական կրթաթոշակ ստանալու պայմանը սլովակերեն լեզվի իմացությունն է: Դիմորդները հնարավորություն ունեն անվճար սլովակերենի լեզվի մասնագիտական ուսուցում անցնել Բանսկա Բրիստրիցայում գտնվող Մատեյ Բելի համալսարանում 2024 թ. սեպտեմբերի 2-ից հունիսի 30-ը ընկած ժամանակահատվածում:

Սլովակիայի Հանրապետության կրթության, գիտության, հետազոտությունների և սպորտի նախարարության միջազգային համագործակցության և եվրոպական հարցերի բաժնում բուհ ընդունվելու ընթացքում թեկնածուները պարտավոր են թղթային տարբերակով ներկայացնել պահանջվող փաստաթղթերի բնօրինակները: Պահանջվող փաստաթղթերի թվում է նաև ՀՀ ԿԳՄՍ նախարարության կողմից առաջադրման պաշտոնական նամակը: