ԵՄ խորհուրդը կքննարկի Հայաստանին աջակցությունն ու հայ-ադրբեջանական կարգավորումը

Եվրամիության 27 երկրների արտգործնախարարների Բրյուսելում կայանալիք հանդիպմանը կքննարկվի Հայաստանին աջակցությունն ու հայ-ադրբեջանական հարաբերությունների կարգավորումը։ Այս մասին տեղեկացնում է ՏԱՍՍ-ը։

Ուկրաինայում և Մերձավոր Արևելքում հակամարտությունները կրկին ուշադրության կենտրոնում կլինեն Եվրամիության 27 երկրների արտգործնախարարների Բրյուսելում կայանալիք հանդիպմանը։ ԵՄ բարձրաստիճան պաշտոնյաներն ու արտգործնախարարները մտադիր են սովորականի պես քննարկել Կիևին տրամադրվող օգնությունը և Գազայում անընդհատ վատթարացող մարդասիրական իրավիճակը։ 

Բացի այդ, ԵՄ 27 երկրների արտաքին գործերի նախարարները գնահատական ​​կտան մարտի 15-17-ը Ռուսաստանում կայացած նախագահական ընտրություններին։ Ակնկալվում է, որ հանդիպման մասնակիցները համաձայնության կգան նաև «Ալեքսեյ Նավալնիի մահվան համար պատասխանատուների» նկատմամբ պատժամիջոցների կիրառման շուրջ։

Ի վերջո, արտգործնախարարների հանդիպման օրակարգում կներառվի Բելառուսի իրավիճակը, ինչպես նաև ԵՄ աջակցությունը Հայաստանին և Երևանի ու Բաքվի միջև կարգավորումը»,-ասվում է հաղորդագրության մեջ։