Կայացել է ԲԸՏՄ կառավարման խորհրդի նիստ
Քաղաքական
Տեղի է ունեցել Բնապահպանության և ընդերքի տեսչական մարմնի կառավարման խորհրդի ընդլայնված նիստ:
Շրջակա միջավայրի նախարար Հակոբ Սիմիդյանի նախագահությամբ ընդլայնված կազմով նիստին մասնակցել են Վարչապետի աշխատակազմի Տեսչական մարմինների աշխատանքների համակարգման գրասենյակի, Կոտայքի, Արմավիրի, Արարատի, Արագածոտնի մարզպետարանների, Տարածքային և ենթակառուցվածքների նախարարության Ջրային կոմիտեի, ՇՄ Էկոպարեկային ծառայության, «Հայանտառ» ՊՈԱԿ-ի, Երևանի քաղաքապետարանի բնապահպանական և քաղաքաշինության ոլորտների պատասխանատուներ ու ներկայացուցիչներ:
ԲԸՏՄ ղեկավարը և տեղակալները ներկայացրել են Տեսչական մարմնի կողմից 2023 թվականի գործունեության ընթացքում մթնոլորտային օդի պահպանության, ջրային ռեսուրսների կառավարման, կենսաբազմազանության և ընդերքի պահպանության ոլորտներում արձանագրված խնդիրները:
Նիստի ընթացքում քննարկվել են վերահսկողության արդյունքում վերհանված խնդիրները և դրանց լուծմանն ուղղված առաջարկները:
Կառավարման խորհուրդը որոշել է արձանագրված խնդիրների լուծման համապատասխան առաջարկները ներկայացնել ոլորտային քաղաքականություն մշակող լիազոր մարմիններին:
Ամենադիտված 
Ջուր չի լինի նոյեմբերի՝ 25, 26 և 27-ին տասնյակ հասցեներում
