Ղրղզստանի բնակիչը 130 մետրանոց թունել է փորել դեպի Ուզբեկստան

Ղրղզա-ուզբեկական սահմանին մաքսանենգների թունել է հայտնաբերվել։ 130 մետրանոց թունելը սկիզբ է առնում բնակիչներից մեկի տնից, հաղորդում է Ղրղզստանի ազգային անվտանգության պետական ​​կոմիտեն:

Միջադեպը տեղի է ունեցել Սուզակի շրջանի սահմանամերձ ղրղզական Բեկ-Աբադ գյուղում։ Թունելն օգտագործվել է ինչպես ապրանքների, այնպես էլ քաղաքացիների տեղափոխման համար։

«Խորությունը 15 մ էր, ընդհանուր երկարությունը՝ 130 մ, հեռավորությունը մինչև Ղրղզստանի Հանրապետության պետական ​​սահմանը՝ 50 մ, իսկ թունելի բարձրությունը՝ 1 մ 70 սմ»,- սահմանապահների խոսքերն է մեջբերում Akipress-ը։

Նշվում է, որ տան տերը բերման է ենթարկվել։ Այժմ հատուկ ծառայությունները պարզում են հանցավոր սխեմայի մյուս մասնակիցների ինքնությունը։