Քիմ Քարդաշյանին քննադատել են թանկարժեք պայուսակը կեղտոտ հատակին դնելու համար

Հեռուստաաստղ, մոդել և գործարար Քիմ Քարդաշյանին քննադատել են թանկարժեք պայուսակը կեղտոտ հատակին դնելու համար։ Այս մասին հայտնում է Daily Mail-ը։

43-ամյա բլոգերը ութամյա որդու՝ Սեյնթի հետ Լոս Անջելեսում ներկա է գտնվել բասկետբոլի խաղին։ Նա հանրությանը ներկայացել է կաշվե տաբատով, սպիտակ շապիկով և բարձրակրունկ կոշիկներով։ Սակայն հենց Քարդաշյանի պայուսակն է գրավել երկրպագուների ուշադրությունը։ Բլոգերն իր տեսքն ամբողջացրել է Hermes Birkin շքեղ ապրանքանիշի մուգ մոխրագույն պայուսակով, որն արժե 100 հազար դոլար։ Նկարներից երևում է, որ աստղն այն դրել է կեղտոտ հատակին:

«Ես նրա երկրպագուն չեմ, բայց դա իսկապես հիմարություն է», «Հատակին դրված պայուսակը փողի վատնում է», «Հավանաբար դրանից հետո աղբարկղն է նետել», «Այս պայուսակն արժե այնքան, որքան իմ բնակարանը։ Խենթություն»,- մեկնաբանություններում գրել են օգտատերերը։