ՄՊՀ-ում քննարկում է տեղի ունեցել ծխախոտի արտադրանքի ոլորտում գործունեություն իրականացնող տնտեսավարողների հետ
Քաղաքական
Մրցակցության պաշտպանության հանձնաժողովի նախաձեռնությամբ այսօր քննարկում է տեղի ունեցել ծխախոտի արտադրանքի ոլորտում գործունեություն իրականացնող տնտեսավարողների հետ:
2023 թվականին հանձնաժողովը ուսումնասիրության է իրականացրել ծխախոտի արտադրանքի ոլորտում, որի համար հիմք են հանդիսացել վերջին տարիներին տեղի ունեցած կառուցվածքային և օրենսդրական փոփոխությունները։ Դիտարկվել են «Սիգարետ», «Տաքացվող և էլեկտրոնային ծխախոտ» ապրանքային շուկաները:
Միջոցառման ընթացքում հանձնաժողովի աշխատակիցները ներկայացրել են ուսումնասիրության արդյունքները, արձանագրված խնդիրները, ինչպես նաև դրանց լուծման առաջարկները:
Քննարկման շրջանակում ոլորտի ներկայացուցիչները բարձրաձայնել են մի շարք հարցեր, որոնց մի մասին հանձնաժողովն արդեն իսկ անդրադարձ էր կատարել ուսումնասիրության շրջանակում: Մի շարք հարցեր առնչվում էին անբարեխիղճ մրցակցությանը, մասնավորապես էլեկտրոնային հարթակներով ծխախոտի հովանոցային գովազդի, զեղչերի իրականացման դեպքերին, ապրանքային նշանների շփոթության դեպքերի գնահատմանը և այլն: Այս առնչությամբ տեղում կազմակերպվել է հանդիպում հանձնաժողովի համապատասխան ստորաբաժանման պատասխանատուների հետ:
Արձանագրվել են նաև մասնակիցների կողմից բարձրացված այն խնդիրները, որոնց կարգավորումը հանձնաժողովի լիազորությունների շրջանակից դուրս է, իրավասու լիազոր մարմիններին ներկայացնելու նպատակով:
Ամենադիտված 
Ջուր չի լինի նոյեմբերի՝ 25, 26 և 27-ին տասնյակ հասցեներում
