Apple-ի շուկայական արժեքը նվազել է ավելի քան 113 միլիարդ դոլարով

Apple-ի շուկայական արժեքը 24 ժամվա ընթացքում նվազել է 113 միլիարդ դոլարով այն բանից հետո, երբ ԱՄՆ արդարադատության նախարարությունը և 18 նահանգներ ընկերության դեմ հակամենաշնորհային հայց են ներկայացրել: Apple-ի գնանշումները նվազել են 4,1%-ով, ինչը, ի վերջո, նվազեցրել է կորպորացիայի շուկայական արժեքը, գրում են միջազգային ԶԼՄ-ները։

Դեռևս դեկտեմբերին Apple-ի շուկայական արժեքը կազմում էր 3 տրիլիոն դոլար, սակայն տարեսկզբից գնանշումները սկսեցին նվազել ԱՄՆ-ի և ԵՄ-ի հակամենաշնորհային մարմինների կողմից աճող պահանջների պատճառով: 2024 թվականին Apple-ի բաժնետոմսերն, ընդհանուր առմամբ, էժանացել են 11%-ով՝ ընկերության կապիտալիզացիան իջեցնելով 2,6 տրիլիոն դոլարի։ 

Երեկվա հայցը վերջին 14 տարվա ընթացքում ԱՄՆ արդարադատության նախարարության երրորդ հակամենաշնորհային հայցն է ընկերության դեմ։ Վերջին անգամ այս գերատեսչությունը Apple-ին դատի է տվել 2012 թվականին։ Այնուհետև դատը վերաբերում էր թվային գրքերի գների բարձրացմանը։ Երեկ Apple-ն արդեն հայտարարել էր, որ հայցն անհիմն են համարում եւ մտադիր են դատարանում պաշտպանել իրենց անմեղությունը։