Կինը Թայվանից թռել է Թաիլանդ և դանակով հարձակվել ամուսնու ու նրա սիրուհու վրա
Այլ
Թաիլանդի բնակչուհին իմացել է ամուսնու դավաճանության մասին, Թայվանից թռել Թաիլանդ և դանակով հարձակվել նրա ու վերջինիս սիրուհու վրա։ Այս մասին հայտնում է The Thaiger-ը։
Մարտի լույս 21-ի գիշերը Ռոյետ քաղաքի ոստիկանները կանչով ժամանել են տեղի հյուրանոցներից մեկը։ Դեպքի վայրում ոստիկանները հայտնաբերել են երկու տուժածի։ Կինը վնասվածք էր ստացել մեջքի, իսկ տղամարդն՝ ուսի ու մեջքի հատվածում։ Վերջինիս վնասվածքները, պարզվել է, ծանր են, նա տեղափոխվել է հիվանդանոց։
Դեպքի վայրում եղել է նաև մեկ այլ կին։ Նա լաց է եղել և ընդունել, որ հանցագործությունն ինքն է կատարել։ Պարզվել է, որ տուժածները նրա ամուսինն ու վերջինիս սիրուհին են։ Թաիլանդի բնակչուհին ասել է, որ աշխատում էր Թայվանում, երբ ընկերներից իմացել է, որ ամուսինը հանդիպում է մեկ այլ կնոջ հետ։ Նա պարզել է, որ տղամարդը մարտի 20-ին Ռոյետի հյուրանոցներից մեկում հանդիպելու է իր սիրուհուն, անմիջապես ինքնաթիռի տոմս է վերցրել և «բռնացրել» սենյակում գտնվող սիրահարներին։
Տեղի է ունեցել վիճաբանություն, որի ժամանակ խաբված կինը կորցրել է կառավարումն ու դանակով հարձակվել է սիրահարների վրա։ Հայտնի է, որ նա և ամուսինն ունեն երեք երեխա։ Կինը ներկայումս կալանքի տակ է։ Հարձակման համար նրան կարող է սպառնալ մինչև երկու տարվա ազատազրկում և 40 հազար բաթ տուգանք:
Ամենադիտված 
Ես ուկրաինական տարածքները կտամ Ռուսաստանին՝ խաղաղության հասնելու համար. Զելենսկի
