Ավտովթար-վրաերթ՝ Վանաձորում․ բախվել են Renault-ը և Mercedes-ը․ վիրավորներից մեկը գնդապետ է

Այսօր՝ մարտի 23-ին, ավտովթար-վրաերթ է տեղի ունեցել Լոռու մարզում։ Ժամը 14։55-ի սահմաններում Վանաձոր քաղաքի Կարեն Դեմիրճյան փողոցում բախվել են Լոռու մարզի բնակիչներ 23-ամյա Արեն Պողոսյանի վարած «Mercedes», 70-ամյա Գագիկ Շիրմազանյանի վարած «Renault» մակնիշի ավտոմեքենաները։

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 3 հոգի, որոնց առաջինը օգնության են հասել քաղաքացիները, օպերատիվորեն ժամանած «Վանաձոր» բժշկական կենտրոնի շտապօգնության բժիշկների հերթապահ խմբերն ու ՀՀ Ներքին գործերի նախարարության փրկարար ծառայության Վանաձորի հրշեջ փրկարարական ջոկատի փրկարարները և ՀՀ ՆԳՆ ՊԾ Լոռու մարզի գումարտակի պարեկները, տեղափոխել են «Վանաձոր» բժշկական կենտրոն։

Բախման հետևանքով «Mercedes»-ն էլ բախվել է ճանապարհի թույլատրելի հատվածում կայանված «Opel»-ին և «Mitsubishi» բեռնատարին, իսկ «Renault»-ն էլ մասամբ հայտնվել է կանաչ գազոնում։

Մանրամասն՝ սկզբնաղբյուր կայքում։