Կինն աշխատում է որպես «պրոֆեսիոնալ գրկախառնվող» և ժամում 88 դոլար վաստակում

Անգլիայի բնակչուհին աշխատում է որպես «պրոֆեսիոնալ գրկախառնվող» և ժամում 88 դոլար է վաստակում, գրում է Daily Star-ը։

Անիկո Ռոուզն ասել է, որ այս գործով զբաղվում է ավելի քան երեք տարի։ Կնոջ խոսքով՝ իր գրկախառնություններն օգնում են նրանց, ովքեր պայքարում են սթրեսի կամ հոգեբանական տրավմայի դեմ։ Երբ մարդուն գրկում են, երջանկության հորմոններ են արտազատվում, որոնք հանգստացնում են նյարդային համակարգը, կարծում է բրիտանուհին։

«Դա շատ լավ վարձատրվող աշխատանք է», - հավելել է Ռոուզը:

Կինը պնդում է, որ մասնավոր սեանսները սեքսուալ բնույթի չեն, բայց հիանալի հասկանում է, թե ինչու են մարդիկ քննադատում իր աշխատանքը և չի վիրավորվում դրանցից։

Ռոուզը պատմել է, որ գրկախառնության սեանսը տևում է մեկ ժամ և արժե 88 դոլար: Սակայն որոշ հաճախորդների համար 60 րոպեն բավարար չէ, ուստի ամենից հաճախ Անիկոն հաճախորդի հետ անցկացնում է մոտ երկու ժամ։