Բուդապեշտում ցուցարարները պահանջում են վարչապետի հրաժարականը

Երեքշաբթի երեկոյան Բուդապեշտում ցույց է տեղի ունեցել Հունգարիայի վարչապետ Վիկտոր Օրբանի և գլխավոր դատախազ Պետեր Պոլտի հրաժարականի պահանջով։ Մի քանի հազար մարդ, շատերը՝ ջահերը ձեռքներին, երթ են կազմակերպել Գլխավոր դատախազության շենքից դեպի խորհրդարան և ցույց են անցկացրել կենտրոնական Լայոս Կոսութ հրապարակում, գրում են նմիջազգային ԶԼՄ-ները։

Ակցիան կազմակերպվել է կառավարության նախկին պաշտոնյա Պիտեր Մագյարի կոչով, ով հրապարակայնորեն իշխանություններին մեղադրել է համակարգային կոռուպցիայի մեջ։ Նա հրապարակել է տնային զրույցի ձայնագրությունը իր նախկին կնոջ՝ Ջուդիտ Վարգայի հետ, ով վերջերս երկրի նախագահ Կատալին Նովակի հետ հրաժարական է տվել արդարադատության նախարարի պաշտոնից՝ մանկապղծության հանցագործության մեջ ներգրավված տղամարդու ներում շնորհելու հետ կապված սկանդալի պատճառով։

Ակնկալվում է, որ քաղաքական ընդդիմությունը կփորձի կոծկել սկանդալը, որը բռնկվել է նախագահի և արդարադատության նախարարի հրաժարականից ընդամենը մեկուկես ամիս անց։

Կառավարության և իշխող «ՖԻԴԵՍ-Հունգարական քաղաքացիական միություն» կուսակցության համար սա չափազանց անշահավետ է՝ հաշվի առնելով մոտեցող Եվրախորհրդարանի ընտրությունները, որոնք նախատեսված են հունիսի սկզբին։