Եկատերինբուրգի բնակիչը 2 միլիոն ռուբլի է գողացել սիրուհուց, որպեսզի բնակարան գնի իր կնոջ համար

ՌԴ Եկատերինբուրգում տարօրինակ հանցագործություն է տեղի ունեցել։ Տղամարդը սիրուհուց 2 միլիոն ռուբլի է գողացել՝ իր կնոջ համար բնակարան գնելու նպատակով։

ԶԼՄ-ների տեղեկություններով՝ նրանց սիրավեպը տևել է 5 տարի։ Այդ ամբողջ ընթացքում կինը չի իմացել, որ իր ընտրյալն ամուսնացած է։

Մի օր տղամարդն ասել է, որ բնակարան է ուզում գնել, բայց գումար չունի։ Նա սիրուհուն խնդրել է, որ իր համար վարկ վերցնի ու խոստացել վերադարձնել գումարը։

Սակայն գումարը նա չի փոխանցել։ Եվ շուտով հրաժեշտ է տվել միամիտ տիկնոջը։ Ավելի ուշ խաբեության զոհը պարզել է, որ բնակարանում երկրորդ սեփականատեր էլ կա։

Պարզվել է՝ իր նախկին սիրեցյալի կինն է։ Այժմ խաբեբայով զբաղվում են իրավապահները։