Իրանցի նույնասեռական տղամարդն ԱՄՆ–ից վերադարձել է Իրան և դատապարտվել մահապատժի

Ծագում իրանցի 30-ամյա Սերին Բադիան վերջին մի քանի տարիներին ապրում էր ԱՄՆ-ում և նկարահանվում մեծահասակների համար նախատեսված ֆիլմերում։ Բադիան նաև ակտիվորեն հրապարակում էր իր անկեղծ լուսանկարները և քննադատում Իրանի իշխանություններին։

Տղամարդը հայտնել է, որ Իսլամական Հանրապետության իշխանությունները բռնագրավել են իր ողջ ունեցվածքը, սպանել հորը և վտարել պատմական հայրենիքից՝ «աշխարհն ապականելու համար»։ 

Վերջերսը Սերին վերադարձել է Իրան։ Նրա վերադարձի պատճառը հայտնի չէ։ Ըստ ​​իշխանությունների՝ նա ձերբակալվել է Ալբորզ նահանգում սահմանը հատելուց երեք օր անց։

Տղամարդուն մեղադրում են սրբապղծության, Աստծո դեմ պատերազմ մղելու, երկրի վրա այլասեռվածություն սերմանելու և շնության մեջ։ Նման ծանր մեղադրանքների համար նրան սպառնում է մահապատիժ՝ կախաղանի միջոցով։

2023 թվականի առաջին 11 ամիսներին Իրանում մահապատժի է ենթարկվել 600 մարդ։ Մահապատիժների թիվը կտրուկ աճել է Իսրայելի վրա ՀԱՄԱՍ-ի հարձակումից և Գազայի հատվածում հակամարտության սրումից հետո։