Ամերիկացի երգչուհի Լիզզոն հայտարարել է բեմից հեռանալու մասին
Ժամանց
Գրեմմիի մրցանակակիր երգչուհի Լիզզոն (Lizzo) հայտարարել է, որ հեռանում է բեմից՝ արտաքին տեսքի հետ կապված ճնշման պատճառով։ Այս մասին նա մարտի 29-ին գրել է Instagram-ի իր էջում։
«Ես հոգնել եմ իմ կյանքում և համացանցում բոլորի կողմից քաշքշվելուց», - սկսել է նա իր հուզական հայտարարությունը: «Ես միայն ուզում եմ երաժշտություն ստեղծել, մարդկանց ուրախացնել և օգնել աշխարհին մի փոքր ավելի լավը դառնալ: Բայց սկսում եմ զգալ, որ աշխարհն ինձ չի ուզում: Ինձ վրա հարձակվում են մարդիկ, ովքեր ինձ չեն ճանաչում»,- հավելել է նա:
Լիզզոն դժգոհել է, որ հոգնել է իր արտաքինի մասին մշտական կատակներից և լրատվամիջոցների ստերից։
«Ես չեմ ստորագրել սրա համար։ «Ես հեռանում եմ»,- եզրափակել է երգչուհին։
Լիզոն քննադատության է ենթարկվել մարտի 28-ին ԱՄՆ նախագահ Ջո Բայդենի նախընտրական դրամահավաքին ելույթ ունենալուց հետո: Ըստ Business Insider պորտալի՝ ոմանք քննադատել են նրան, քանի որ Բայդենն աջակցում է Իսրայելին Գազայի պատերազմում։
Հիշեցնենք, որ անցյալ տարի Լիզզոյի նախկին պարողներից երեքը դատի էին տվել նրան՝ անտանելի աշխատանքային միջավայր ստեղծելու և սեռական ոտնձգությունների համար:
Ամենադիտված 
Մնաս բարյավ. Րաֆֆի Հովհաննիսյան
