Չավի. Հուսով եմ՝ Բարսան ճնշում է գործադրում Ռեալի վրա
Սպորտ
Չավին խոսել է «Բարսելոնայի»՝ Լա Լիգայի չեմպիոնական մրցավազքին վերադառնալու ցանկության մասին:
«Բարսելոնան» երեկ հաղթեց Լաս Պալմասին (1:0): Այժմ Չավիի թիմը հինգ միավորով է զիջում Լա լիգայի մրցաշարային աղյուսակի առաջատար Մադրիդի «Ռեալին», որն այսօր կխաղա «Ատլետիկի» հետ։
«Նախ մենք պետք է հաղթենք «Կադիսին», և դա հեշտ չի լինի։ Սա պատերազմ է։ Մենք մտածում ենք մեր մասին։ Մենք ցանկանում ենք պայքարել «Ռեալի» հետ Լա Լիգայում, բայց դա մեզնից կախված չէ։
Հուսով եմ՝ մենք ճնշում ենք գործադրում «Ռեալի» վրա։ Տեսնենք, թե ինչպես նրանք կխաղան: Հուսով եմ, որ միավորների տարբերությունը կկրճատվի: Պետք է տնային աշխատանք կատարել և պայքարել մինչև վերջ։
Եթե նույնիսկ «Ռեալը» հաղթի «Ատլետիկին», մենք դեռ կշարունակենք պայքարը: Եվ այսպես կլինի ամեն օր՝ մինչև մեր հանդիպումը նրանց հետ»,- ասել է Չավին։
Ապրիլի 13-ին «Բարսելոնան» կխաղա «Կադիսի», իսկ ապրիլի 21-ին «Ռեալի» հետ արտագնա խաղում։
ՈՒՂԻՂ ԵԹԵՐ
Ամենադիտված 
Ռուբլին թանկացել է․ փոխարժեքն՝ այսօր
