Դանակահարություն՝ Արմավիրի մարզում․ մասնակիցներից 2-ը մարմնական վնասվածքներով տեղափոխվել են հիվանդանոց
Հասարակություն
Ինչպես հայտնում է ֆոտոլրագրող Գագիկ Շամշյանը, դեպքի վայր են մեկնել ՀՀ ՆԳՆ ոստիկանության Արմավիրի մարզային վարչության պետ Արթուր Բդոյանը, վարչության պետի օպերատիվ գծով տեղակալ Հովհաննես Արիստակեսյանը և ոստիկանության Արմավիրիի բաժնի պետ Վոլոդյա Գևոորգյանը։
Ոստիկանները պարզել են, որ նույն օրը ժամը 22։30-ի սահմաններում Արմավիրի մարզի Այգեշատ գյուղի 4-րդ փողոցում Արմավիրի մարզի բնակիչներ 26-ամյա Վալերի Ն․-ի, 37-ամյա Նորայր Ա․-ի և 39-ամյա Ժիրայի Ա․-ի միջև կենցաղային հարցերի շուրջ ծագած վիճաբանության ժամանակ Վալերի Ն․-ն իր մոտ եղած կտրող-ծակող գործիքով հարվածներ է հասցրել Նորայր Ա․-ի և Ժիրայր Ա․-ին՝ Նորայր Ա․-ին պատճառելով «ծոծրակային շրջանի կտրած վերք», իսկ Ժիրայր Ա․-ին՝ «ձախ բազկի միջին երրորդականի և վերին երրորդականի կոնային մակերեսի կտրած-ծակած վերքեր» մարմնական վնասվածքները:
Ստացած մարմնական վնասվածքներով Նորայր Ա․-ը և Ժիրայր Ա․-ն տեղափոխվել են Արմավիր բժշկական կենտրոնհ:
Դեպքի փաստով ոստիկանության Արմավիրի բաժնում կազմվել են փաստաթղթեր, որոնք փոխանցվել են ՀՀ Քննչական կոմիտեի Արմավիրի մարզային քննչական վարչություն, որտեղ դեպքի փաստով նախաձեռնվել է քրեական վարույթ։
Ոստիկանությունն ու քննչական բաժինը ձեռնարկում են միջոցառումներ Վալերի Ն․-ին և հանցագործության գործիք առարկան հայտնաբերելու ուղղությամբ:
ՈՒՂԻՂ ԵԹԵՐ
Ամենադիտված 
Ինձ ունեզրկելով վախեցնելն անիմաստ է. Չեմ ուզում ձեզ ծանրաբեռնել իմ ու երեխաներիս զգացածով (լուսանկարներ)
