Ադրբեջանի ՊՆ-ն կրկին ապատեղեկատվություն է տարածել

Ադրբեջանի պաշտպանության նախարարությունը մեկ օրվա ընթացքում երկրորդ հայտարարությունն է տարածել։ Հայտարարությունը, ինչպես և նախորդը, նպատակ ունի տպավորություն ստեղծել հայկական կողմի կողմից իրականացվող որոշակի գործողությունների մասին։

Ըստ էության, ադրբեջանական կողմը Երեւանին մեղադրում է սահմանն ամրացնելու, հենակետեր կառուցելու եւ զենք տեղակայելու մեջ։

«Մենք ևս մեկ անգամ հայտարարում ենք, որ Հայաստանի կողմից ցանկացած սադրանք վճռականորեն կանխվելու է ադրբեջանական բանակի կողմից, և իրավիճակի սրման ողջ պատասխանատվությունը ընկնելու է Հայաստանի ռազմաքաղաքական ղեկավարության և նրա հովանավորների վրա»,-ասվում է այդ երկրի ՊՆ հայտարարության մեջ։ 

Հայաստանի պաշտպանության նախարարությունը, ի պատասխան Բաքվի առաջին նման հայտարարության, ասել է, որ հայ-ադրբեջանական պետական ​​սահմանին վերջին օպերատիվ իրավիճակը գնահատում է կայուն և սահմանը պաշտպանելու համար լրացուցիչ միջոցներ ձեռնարկելու անհրաժեշտություն չի տեսնում։ Երկրորդ հայտարարությանը դեռ արձագանք չկա։

Նշենք, որ ՀՀ-ում ԵՄ դիտորդական առաքելությունն արդեն հերքել է Ադրբեջանի ՊՆ–ի հայտարարությունը։