ԱՄՆ-ում 102 տարեկանում մահացել է Փերլ Հարբորի հարձակումից ողջ մնացած վերջին վետերանը

Ապրիլի 1-ին 102 տարեկան հասակում մահացել է Լու Քոնթերը՝ վերջին զինվորը, ով փրկվել է USS Arizona ռազմանավից Փերլ Հարբորի վրա ճապոնական հարձակման ժամանակ։ Այս մասին հայտնում է The New York Times-ը։

Միացյալ Նահանգները մտավ Երկրորդ համաշխարհային պատերազմի մեջ Փերլ Հարբորի վրա ճապոնական, մասնավորապես՝ USS Arizona ռազմանավի վրա հետո: Հարվածի հետևանքով՝ զոհվեց 1177 նավաստի և ծովային: Լու Քոնթերը հարձակումից փրկվածներից մեկն էր։ Նա ապրեց մինչև 102 տարեկան և մահացավ ապրիլի 1-ին՝ Կալիֆորնիայի Գրաս հովտում գտնվող իր տանը:

Հարձակումից հետո զինվորականներն օգնել են վիրավորներին։ Շատ մարտիկներ կուրացել և այրվածքներ են ստացել։ Երբ հրաման եղավ լքել մարտանավը, նավի մեջ ջուրն արդեն մինչև ծնկներն էր հասնում։ Փրկարար նավը Քոնթերին ափ է դուրս բերել։ Ռազմանավի վրա գտնվողներից միայն 93 մարտիկ է ողջ մնացել: Հարձակման ժամանակ անձնակազմի ևս 242 անդամ եղել է ափին:

Այնուհետև Լու Քոնթերը սովորել է ԱՄՆ ռազմածովային ուժերի թռիչքային դպրոցում և կատարել 200 մարտական ​​առաջադրանք, այդ թվում՝ ռմբակոծել ճապոնական թիրախները: 

Երկրորդ համաշխարհային պատերազմից հետո Լուն ծառայել է Կորեական պատերազմում՝ որպես հետախույզ ԱՄՆ ռազմածովային նավատորմի աշխատանքային խմբի մեջ: Սպան թոշակի է անցել 1967 թվականին՝ կոչումով լեյտենանտ։ Այնուհետև նա աշխատել է՝ որպես անշարժ գույքի գործակալ Լոս Անջելեսում:

Լու Քանթի տան մեջ մի անկյուն կա, որը լի է Արիզոնայի հուշանվերներով: Նա ասել է, որ ամեն առավոտը սկսել է հարգանքի տուրք մատուցելով բոլոր ամերիկացիներին, ովքեր զոհվել են ճապոնական հարձակման ժամանակ։