Տղամարդն իր բանալիով սխալմամբ բացել է հարևանի տան դուռը և ծեծել նրան

ԱՄՆ-ում Տեխասից մի տղամարդու են ձերբակալել հարեւանի տուն սխալմամբ ներխուժելու, նրան գողի հետ շփոթելու և ծեծի ենթարկելու համար։ Այս մասին հայտնում է New York Post (NY Post) թերթը։

Երկուշաբթի՝ մարտի 25-ի գիշերը ժամը երկուս անց կեսին, Սան Անտոնիոյի բնակիչ Էրիկ Կոլազոն մտել է տարեց տղամարդու տուն՝ բանալով բացելով նրա տան դուռը։ Տան տարեց տերը պատմել է, որ լոգասենյակ էր գնում, երբ սենյակի շեմին հայտնվել է սևազգեստ մի բարձրահասակ տղամարդ։

Կոլազոն կարծել է, թե տարեց տղամարդը ներխուժել է իր տուն, «սկսել է բղավել և հարձակվել նրա վրա», իսկ հետո փախել է: Տուժածին անհրաժեշտ է եղել բժշկական օգնություն, քանի որ նա ուներ կոտրվածքներ և կյանքին վտանգ սպառնացող այլ վնասվածքներ: Ոստիկանների համար դժվար չի եղել գտնել Կոլազոյին, քանի որ նա պատահաբար թողել է բջջային հեռախոսը ծեծված թոշակառուի լոգասենյակում։ Իրավապահները հայտնել են, որ ձերբակալության ժամանակ նրա վրայից ալկոհոլի ուժեղ հոտ են զգացել։

Ընդ որում, ստուգման ժամանակ պարզվել է, որ Կոլազոյի տան բանալին իրականում համընկնում է տուժողի դռան կողպեքին։ «Շատ տարօրինակ է, որ ինչ-որ մեկը կարող է ուրիշի տուն մտնել իր սեփական բանալիով»,- ասել է տեղի բնակիչներից մեկը։

Կոլազոն գրավի դիմաց ազատ է արձակվել բանտից: Նա մեղադրվում է միայն հարձակման մեջ։ Ուրիշի տուն ապօրինի մուտք գործելու մեղադրանք չի առաջադրվել։