Հայաստանն իզուր է իրեն համեմատում ԵՄ-ի հետ. Զախարովա

Հայաստանի ներկայիս իշխանությունները իզուր են հայկական հին քաղաքակրթությունը, որն ունի դարավոր պատմություն, համեմատում Եվրամիության հետ, որի գործերն այսօր անկեղծորեն վատ են, ասում է ՌԴ ԱԳՆ պաշտոնական ներկայացուցիչ Մարիա Զախարովան, գրում է ՏԱՍՍ-ը։

«Ես այսօր տեսա մեր զրույցի ամփոփագիրը և Հայաստանի պաշտոնական կառույցների ներկայացուցիչներից մեկի մեջբերումը, ով ասում էր, որ Հայաստանը եվրոպական ժողովրդավարական և որոշ այլ արժեքների կրողն է։ Գիտե՞ք՝ ինչն է ինձ զարմացնում. ինչո՞ւ են Երևանում գործող իշխանությունների ներկայացուցիչները հին հայկական քաղաքակրթությունը՝ իր գոյություն ունեցող մշակույթով, պատմությամբ, պետականությամբ, որը եղել է եվրոպական ժողովրդավարությունից շատ առաջ, համեմատում ներկայիս Եվրամիության հետ, որն իսկապես փակուղում է: Եվ հենց սրա մասին են նրանք խոսում, երբ մեջբերում են եվրոպական ժողովրդավարության մասին խոսքեր։

Հայաստանը մշակույթ է։ Այն պետական ​​կառույց է, և սրանք պետականության այն հիմքերն են, որոնց արմատները գնում են դեպի դարերի խորքը: Նրանք հազարամյա պատմություն ունեն։ Երևանը գտել է մոդել, որի մասին Արևմուտքում այլևս ոչ ոք լրջորեն չի խոսում»,-ասել է Զախարովան։