Ֆրանսիան իր ցուցանիշով առաջատար բարեկամ երկիրն է

ՀՀ-ում հարցվածների 96 տոկոսից ավելին Թուրքիային և Ադրբեջանին համարում են ոչ բարեկամ երկիր։  Ադրբեջանի դեպքում այն կազմում է 98 տոկոս։ Այս մասին հրավիրված ասուլիսում ասաց «GALLUP International association»-ի հայաստանյան ներկայացուցչության տնօրեն Արամ Նավասարդյանը:

Նրա խոսքով՝  «բարեկամ երկրների» ամենաբարձր ցուցանիշը գրանցել է Ֆրանսիան՝ 78,1 տոկոս, 12 տոկոսը չեզոք է Ֆրանսիայի հետ կապված, 8,8 տոկոսը կարծում է, որ նա ոչ բարեկամ երկիր է։

«Ֆրանսիային հետևում է Հնդկաստանը՝ ևս բարձր ցուցանիշով՝ 68,5 տոկոսն է նշել, որ բարեկամ երկիր է: Իրանը՝ 57,8 տոկոսն է նշել, ԱՄՆ-ն՝ 41 տոկոսը, Չինաստանը՝ 35 տոկոսը, Վրաստանը՝ 34 տոկոս, Գերմանիան՝ 33 տոկոս, ՌԴ-ն՝ 29,7 տոկոսն է նշել որպես բարեկամ երկիր»,- նշեց Նավասարդյանը: 

Նավասարդյանը զուգահեռներ անցկացնելով առաջ բերեց  տարիներ առաջ տեղի ունեցած հարցումը, համաձայն որի՝ 2015թ հարցվածների 86 տոկոսը նշել է, որ ՌԴ-ն բարեկամական երկիր է, 2019թ-ին՝ 70 տոկոսն է նշել, 2022թ՝ 54 տոկոս։