Աշակերտուհու նկատմամբ անառակաբարո գործողություններ կատարած ուսուցիչը կկալանավորվի

ԼՈՒՐԵՐ․com-ին հայտնի է դարձել Ջոն Կիրակոսյանի անվան դպրոցում աշակերտուհու նկատմամբ անառակաբարո գործողություններ կատարած ուսուցչի անունը։ Նա ֆիզիկայի ուսուցիչ Արամ Ծատուրյանն է, որին սպառնում է ազատազրկում մինչև 6 տարի ժամկետով։ Պարզվում է՝ Ծատուրյանը նաև Ֆիզիկայի 7, 8, 9 խնդիրների ժողովածուի հեղինակն է և մեծ ճանաչում է վայելում կրթական ոլորտում։

Մեր տեղեկություններով՝ այսօր դատախազությունը կալանքի սանկցիա կտա նրան, իսկ դատարանը կբավարարի և այսօր նա կկալանավորվի, որի համար կան բոլոր փաստերը։

Նշենք, որ քննիչներն արդեն իսկ դեպքի վայրում իրականացրել են քննչական գործողություններ։ 

Հիշեցնենք, որ քիչ առաջ իրավապահները ներխուժել են դպրոց և 9-րդ դասարանում դաս անցկացնելու ժամանակ գետնին տապալելով բերման են ենթարկել ֆիզիկայի ուսուցչին՝ ձեռնաշղթաներ հագցնելով։