Լուկաշենկոն կրթաթոշակ է շնորհել որդուն՝ որպես «տաղանդավոր երեխա»

Բելառուսի նախագահ Ալեքսանդր Լուկաշենկոն հատուկ կրթաթոշակ է սահմանել իր որդու՝ Նիկոլայ Լուկաշենկոյի համար։ «Նաշա Նիվա» թերթի տվյալներով՝ այս աջակցությունը տրամադրվել է որպես «տաղանդավոր երեխաների» համար նախատեսված պետական ծրագիր։

Հրապարակման մեջ նշվում է, որ Կոլյա Լուկաշենկոն շարունակելու է ստանալ այս հատուկ կրթաթոշակը՝ հոր որոշմամբ։

Ավելի վաղ նախագահի մամուլի խոսնակ Նատալյա Էյսմոնտը հայտնել էր, որ հենց Նիկոլայը դեր է խաղացել Լուկաշենկո–Զելենսկի հեռախոսազրույցի կազմակերպման գործում։ Իսկ մարտին լրագրողները ուշադրություն էին դարձրել նրա արտաքին տեսքին՝ Պուտինի հետ հանդիպման ժամանակ արված լուսանկարներում նկատելով ճաղատության նշաններ։