Հիշեք, ոչ մի կառավարություն, ոչ մի բարեփոխում, ոչինչ չի փրկելու մի ազգի, որի ոգին քնած է. Տեր Շահե Անանյան
Հասարակություն
«Բոլորդ հարց ունեք՝ հոգևորականներն այստեղ են, մի՞թե նրանք զբաղվում են քաղաքականությամբ»,- «Մեր ձևով» ժողովրդական շարժման հրավիրած հանրահավաքին ասաց Տեր Շահե Անանյանը։
«Այո՛, զբաղվում են․ զբաղվում են ոգու քաղաքականությամբ, այն քաղաքականությամբ, որը միտված է ազգային ոգին, արժեքները պահելուն և վերարծարծելուն։ Այո՛, որովհետև Աստծո արքայությունն այս օրհնյալ երկրի վրա հաստատվում է միայն մեր ազգային ոգու վերարծարծումից և հաստատումից հետո։
Ես չեմ եկել ձեզ համոզելու, սովորաբար իմ և մնացած հոգևոր հայրերի ու եղբայրների տեղը եկեղեցու սրբազան խորանն է, բայց ես ձեզ նման մեղավոր, պարզ մարդ եմ և ձեզ նման ամեն անգամ անում եմ քայլեր, որոնք այնքան էլ արդար ու սուրբ չեն, բայց ես եկել եմ ձեզ հետ կիսվելու իմ խղճին մոտ արժեքներով, որոնք, որպես հայ տղամարդ, ինձ ստիպում են, որ չլռեմ»,-ասաց Տեր Շահեն։
«Հիշեք, ոչ մի կառավարություն, ոչ մի բարեփոխում, ստորագրված թուղթ, ռազմաքաղաքական դաշինք, ոչինչ չի փրկելու մի ազգի, որի ոգին քնած է»,- ընդգծեց նա։
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
