Բեռնափոխադրողները կրկին բողոքի ակցիա են իրականացնում

Բեռնափողադրողներն այսօր կրկին բողոքի ակցիա են իրականացնում կառավարության դիմաց։ Նրանց խոսքով՝ հինգշաբթի Էկոնոմիկայի նախարար Գևորգ Պապոյանի հետ հանդիպումը արդյունք չի տվել, իրենց խնդիրը չի լուծվել։

 Նրանք դարձյալ պահանջում են հանդիպում Պապոյանի հետ։

 «Սա քաղաքական չէ, մենք այդ ամենից հեռու մարդիկ ենք։ Սա շրջափակման առաջին փուլն է։ Աշխարհի ամբողջ հայերը պետք է քաղաքական իրենց դիրքորոշումները մի կողմ դնեն և այս խնդրով զբաղվեն։ Եթե այս խնդրին լուծում չտվեցին, հունվարի մեկից կարող են լրիվ շրջափակման մեջ մտցնել»,-լրագրողների հետ զրույցում ասաց ակցիայի մասնակիցներից մեկը։