Վարդան Ղուկասյանի դեմ արվածը ամենավերջին ստորությունն է՝ ուղղված Գյումրու ու գյումրեցիների դեմ. Մեսրոպ Մանուկյան (տեսանյութ)

Գործող իշխանությունները ամեն վայրի միջոցների դիմում են ցույց տալով, որ երկրում ժողովրդավարություն այլևս գոյություն չունի։ Այս մասին Euromedia24-ի հետ զրույցում ասաց, Երևանի ավագանու ընդդիմադիր անդամ Մեսրոպ Մանուկյանը անդրադառնալով Գյումրու քաղաքապետ Վարդան Ղուկասյանի ձերբակալությանը։

«Ցույց են տալիս, որ այս եվրոկառույց կոչված կատեգորիաներն ամբողջությամբ մեռել են։ Ցույց են տալիս, որ սա դարձել է բեսպրեդելի դաշտ։ Մի օր չզարմանաք, որ մարդիկ փողոցներում սկսեն իրար նկատմամբ հաշվեհարդար տեսնել։ Ես դատապարտում եմ տեղի ունեցածը․ սա ամենավերջին ստորությունն է Վարդան Ղուկասյանի անձի նկատմամբ, ամենավերջին ստորությունն է Գյումրեցիների հանդեպ։ Սա պետք է ստանա իր համապատասխան գնահատականը։ Միանշանակ՝ սա արվում է քաղաքական նպատակներով»,– ասել է Մեսրոպ Մանուկյանը։

Հիշեցնենք, որ Հակակոռուպցիոն կոմիտեից հայտնել են՝ Գյումրու համայնքապետարանում իրականացվում են քննչական գործողություններ։