Թրամփը խոսել է Հեգսեթին վերագրվող «վերապրածներին ավարտելու» հրամանի մասին

ԱՄՆ նախագահ Դոնալդ Թրամփը հայտարարել է, որ կստուգի տեղեկությունները Պենտագոնի ղեկավար Փիթ Հեգսեթին վերագրվող հրամանների մասին, որոնց համաձայն՝ Վենեսուելայի ափերի մոտ նարկոթրեպթով զբաղվող նավերի վրա հարվածներից հետո զինվորականներին հրահանգվել է «ավարտել ողջ մնացածներին»։ Թրամփը լրագրողների հետ խոսելիս ասել է․ «Մենք դա կուսումնասիրենք»՝ միաժամանակ ընդգծելով, որ նման հրաման ինքը չի տվել։

Նրա խոսքով՝ նա վստահում է Հեգսեթի մեկնաբանությանը, ով հերքում է, որ նման ցուցումներ են եղել։ Ավելի վաղ The Washington Post-ը՝ հղում անելով աղբյուրներին, հայտնել էր, որ հատուկ նշանակության ուժերի հրամանատարն իրականացրել է երկրորդ հարվածը՝ «Պենտագոնի ղեկավարի ցուցումներին համապատասխան»։ Հարվածը, ըստ պարբերականի, հասցվել է Կարիբյան ծովում գտնվող վենեսուելական նավի։  

Հետո Հեգսեթը մեղադրել էր լրատվամիջոցներին՝ «սֆաբրիկացված և սադրիչ» տեղեկություններ տարածելու մեջ՝ նպատակ ունենալով վարկաբեկել ամերիկացի զինվորականներին։ Նա հայտարարել էր, որ այս պատմությունները վնասում են այն զինծառայողների հեղինակությանը, որոնք, իր ձևակերպմամբ, «պաշտպանում են հայրենիքը»։