Այսօր տեղի է ունեցել ամենաբարձր հզորության դասի արեգակնային բռնկում

Արեգակի վրա բռնկում է տեղի ունեցել, որը գնահատվել է որպես այս տարվա ամենահզորներից մեկը։ Այն ստացել է ամենաբարձր X մակարդակը։ Բռնկումը գագաթնակետին է հասել դեկտեմբերի 1-ին Երևանի ժամանակով ժամը 6:49-ին, հայտնել է «Ֆոբոս» եղանակային կենտրոնի առաջատար մասնագետ Միխայիլ Լեուսը։

Նախնական տվյալների համաձայն՝ բռնկման ինտենսիվությունը կազմել է X1.95։ Այնուամենայնիվ, այն սպառնալիք չի ներկայացնում Երկրի համար։ Արեգակնային բծերի խումբը, որտեղ առաջացել է բռնկումը, գտնվում է Արեգակ-Երկիր գծից հեռու, ուստի մեր մոլորակին դրա արտանետումների հարվածելու հավանականությունը մոտ է զրոյի։